Ҳуқуқни муҳофаза қилиш академиясида шеърхонлик ва китобхонлик мусобақаси ўтказилди

Ҳуқуқни муҳофаза қилиш академиясида миллий қадриятларимиз ва урф-одатларимизни ўзида мужассам этган “Талабалик баҳори” анъанавий фестивали доирасида шеърхонлик ва китобхонлик мусобақаси бўлиб ўтди.

Танловда талабалар ўз билим ва истеъдодларини намоён этишди. Мусобақани “Оқила аёллар” ҳаракати аъзоси, “Sayyod best” МЧЖ раҳбари Маҳлиё Хусанова ҳамда “Yosh kitobxon - 2018” танлови ғолиби, "Mutolaa" иловаси мутахассиси Шоҳсанам Холбоева олиб боришди.

Тадбир доирасида фаол қатнашган талабалар эсдалик совғалари билан тақдирланди. Мазкур мусобақа ёшларнинг китобга бўлган қизиқишини ошириш, бадиий сўз санъатига бўлган эътиборини кучайтириш ва маънавий етук авлодни тарбиялашга қаратилгани билан аҳамиятли бўлди.