Академияда “Яшил макон” умуммиллий лойиҳаси доирасида тизимли ишлар

Академия томонидан экологик маданиятни юксалтириш, ҳудудларни кўкаламзорлаштириш бўйича ишлар тизимли амалга ошириб келинмоқда.

Лойиҳа доирасида ташкил этилган навбатдаги тадбирда Академия раҳбарияти ва ходимлари фаол иштирок этдилар. Тадбирда 100 туп манзарали ва 320 туп бутали дарахт кўчатлари экилди.

Кўчатлар ҳудуднинг иқлим шароитидан келиб чиқиб, боғлар ҳосил қилиш ва кўкаламзорлаштиришни назарда тутган ҳолда танлаб олинди. Экилган кўчатлар мунтазам равишда агротехник талаблар асосида парвариш қилиниб, минерал ва органик ўғитлар билан озиқлантирилади ва зараркунандалардан ҳимоя қилиб борилади.

Академия ходимлари томонидан мазкур дастур доирасидаги ишлар мунтазам амалга ошириб борилади.