Ўзбекистон Республикаси Бош прокуратураси Академияси ташкил топганлигининг 2 йиллиги муносабати билан халқаро конференция ўтказилиши ҳақида

Бош прокуратура Академиясида 2020 йил 27 май куни Академия ташкил топганлигининг 2 йиллигига бағишланган “Ҳуқуқни муҳофаза қилиш соҳасидаги таълим салоҳиятини ошириш: муаммо ва ечимлар” мавзусидаги халқаро илмий-амалий онлайн-конференция бўлиб ўтади.

Конференциянинг мақсади – илм-фан ва таълимга инновацион ёндашувларни жорий этишнинг ютуқлари ва натижаларини муҳокама қилиш учун платформа яратиш, тажриба алмашиш ҳамда соҳада мавжуд муаммоларни ҳисобга олган ҳолда ҳуқуқни муҳофаза қилиш мутахассислари учун ўқув жараёнини янада такомиллаштириш бўйича таклифлар ишлаб чиқиш.

Тадбирда 50 дан ортиқ хорижий ва миллий экспертлар, шунингдек, 20 та давлат ва 10 та халқаро ташкилотларнинг амалиётчилари иштирок этади.

Анжуман Zооm платформасида, Тошкент вақти билан соат 13:00 да (UTC+05: 00) бошланади.

Қўшимча маълумот учун қуйидаги телефон рақамларига мурожаат қилиш мумкин:

(71) 202-04-96 (1717, 1777)