Янги тайинлов

Ўзбекистон Республикаси Президентининг тегишли фармойиши билан Ўзбекистон Республикаси Ҳуқуқни муҳофаза қилиш академияси бошлиғининг ўринбосари Музаффаржон Мамасиддиқов Ўзбекистон Республикаси Фавқулодда вазиятлар вазирлиги Академияси бошлиғи лавозимига тайинланди.

Ушбу юксак ва масъулиятли лавозимга Музаффаржон Мусажоновичнинг тайинланиши – унинг кўп йиллик самарали меҳнати, юқори касбий маҳорати, ташкилотчилик салоҳиятининг юксак эътирофидир. Ишонамизки, М.Мамасиддиқов раҳбарлиги остида Фавқулодда вазиятлар вазирлиги Академияси янада ривожланиб, соҳага замонавий ёндашувлар, илғор тажрибалар ва инновацион ғоялар татбиқ этилади.

Бугунги таҳликали ва ўзгарувчан замонда фавқулодда вазиятларга тайёргарлик ва уларни бартараф этиш бўйича малакали кадрларни тайёрлаш – юртимиз хавфсизлиги ва барқарор тараққиёти йўлида муҳим аҳамият касб этади. Музаффаржон Мусажоновичга юклатилган ушбу шарафли масъулиятни юксак профессионаллик билан адо этишига тўла ишонч билдирамиз.

Ўзбекистон Республикаси Ҳуқуқни муҳофаза қилиш академияси жамоаси Музаффаржон Мусажоновичга мустаҳкам соғлик, куч-ғайрат, улкан муваффақиятлар, бардавом зафарлар ва самарали фаолият тилайди!