Санкт-Петербург давлат университети юридик факультети декани билан учрашув

Ўзбекистон Республикаси Ҳуқуқни муҳофаза қилиш академиясида Россиянинг Санкт-Петербург давлат университети юридик факультети декани С.Белов билан учрашув бўлиб ўтди.

Учрашувда томонлар ўртасида ўзаро ҳамкорликни янада мустаҳкамлаш, шу жумладан академик алмашинув, истиқболли лойиҳаларни ишлаб чиқиш, қўшма тадқиқотларни амалга ошириш ва Академиянинг илмий-таълим салоҳиятини мустаҳкамлашга қаратилган ташаббусларни амалга ошириш масалалари муҳокама қилинди.

Ташриф доирасида меҳмонлар Академиянинг янги биноси ва ўқув инфратузилмаси билан яқиндан танишиб чиқишди.

Шунингдек, ташриф давомида Академия раҳбарияти ва Санкт-Петербург давлат университети вакиллари Академия ҳовлисида дарахт экдилар. Ушбу рамзий ташаббус Академия билан Санкт-Петербург давлат университети ўртасидаги самарали ҳамкорлик ва шерикликнинг янги босқичини белгилаб беради.