Янги тайинланган туман (шаҳар) прокурорлари Рақамли криминалистика илмий-тадқиқот институти фаолияти билан танишдилар

Ҳуқуқни муҳофаза қилиш академиясида лавозимга янги тайинланган туман (шаҳар) прокурорлари учун Академиянинг Рақамли криминалистика илмий-тадқиқот институти фаолияти билан таништирув машғулоти ўтказилди.

Тадбир давомида иштирокчиларга Институтнинг асосий фаолият йўналишлари, рақамли криминалистиканинг замонавий усуллари, шунингдек, кибержиноятларни аниқлаш ва тергов қилиш соҳасидаги долзарб тадқиқот ва ишланмалар ҳақида маълумот берилди.

Ўқув машғулоти прокурорларнинг рақамлаштириш шароитида ҳуқуқни қўллаш амалиётидаги касбий малакасини оширишга қаратилган. Жиноятларни тергов қилиш жараёнида ҳуқуқни муҳофаза қилиш органлари ва эксперт муассасалар ўртасидаги ҳамкорлик, рақамли далиллар ва техник воситалардан фойдаланиш масалаларига алоҳида эътибор қаратилди.