Академия талабалари терма жамоаси “Универсиада – 2025” мусобақасида 3-ўринни эгаллади

2025-йил 4-8-апрель кунлари Тошкентда бўлиб ўтган “Универсиада – 2025" доирасида 48 та ОТМ жамоалари иштирокида футбол мусобақаси ўтказилди. Ҳуқуқни муҳофаза қилиш академияси талабаларининг терма жамоаси юқори ўйин даражасини кўрсатиб, шарафли 3-ўрнини эгаллади.

Академия жамоаси бир қатор саралаш ўйинларини муваффақиятли ўтказиб, юқори даражадаги тактик ва техник кўникмаларини ҳамда жамоавий бирдамлигини намойиш этди. Ушбу ютуқ Академия талабаларининг спортдаги профессионал даражасининг навбатдаги тасдиғи бўлди.

Академия жамоасининг бир қатор иштирокчилари Тошкент шаҳри терма жамоасига танланиб, келгусида республика босқичида иштирок этиш учун тайёргарлик кўришади. Бу, ўз навбатида, катта рақобат шароитида уларнинг спортдаги маҳоратлари даражасини янада ривожлантириш имконини беради.