“Юридик фан ва ҳуқуқни қўллаш амалиётининг долзарб муаммолари” мавзусидаги илмий-амалий видео-конференция

2020 йилнинг 26 май куни Бош прокуратура Академиясида “Ёш олимлар минбари” рукнида “Юридик фан ва ҳуқуқни қўллаш амалиётининг долзарб муаммолари” мавзусидаги илмий-амалий видео-конференция бўлиб ўтди.

Илмий-амалий конференция ишида Бош прокуратура Академияси, Судьялар олий мактаби, Тошкент давлат юридик университети, Юристлар малакасини ошириш маркази, Ҳарбий-техник институти, Ички ишлар вазирлиги Академияси, Божхона институти, Давлат солиқ қўмитасининг малака ошириш марказининг илмий ходимлари, докторантлари, мустақил изланувчилари ва магистратура тингловчилари иштирок этдилар.

Мазкур конференцияда иштирокчилар ўтган даврда давлат-ҳуқуқий, фуқаролик-ҳуқуқий, жиноят-ҳуқуқий ва халқаро-ҳуқуқий фанлар бўйича эришилган ютуқлар ҳақида фикр алмашдилар, шунингдек олий таълим соҳасида коррупцияга қарши кураш муаммолари муҳокама қилинди.

Конференция якунида юридик фанни янада ривожлантиришнинг истиқболлари хусусида хулоса ва тавсиялар ишлаб чиқилди.