Ўзбекистон Республикаси Ҳуқуқни муҳофаза қилиш академияси магистратурасига қабулига оид

Ўзбекистон Республикаси Президентининг “Рақамли технологиялар воситасида содир этиладиган жиноятларга қарши курашиш соҳаси учун профессионал кадрлар тайёрлаш тизимини жорий этиш чора-тадбирлари тўғрисида” ги 2025 йил 22 январдаги ПҚ–17-сон қарорига асосан Ҳуқуқни муҳофаза қилиш академиясида янги “Киберхавфсизликни ҳуқуқий таъминлаш” магистратура мутахассислиги ташкил қилинди.

Мазкур йўналиш бўйича Рақамли технологиялар вазирлиги томонидан тасдиқланган иловадаги нуфузли халқаро IT-сертификатга эга номзодларни танловнинг мутахассислик фанлари бўйича “Информатика ва ахборот технологиялари” фанидан имтиҳон топширишдан озод этилиши маълум қилинади.

2025/2026 ўқув йилида “Киберхавфсизликни ҳуқуқий таъминлаш” магистратура мутахассислиги бўйича танловда иштирок этиш истагида бўлган барча номзодлар томонидан ҳужжатларни жорий йилнинг 10 июнидан – 31 июлга қадар Олий таълим, фан ва Инновациялар вазирлиги ҳузуридаги Билим ва малакаларни баҳолаш агентлигининг mydtm.uz электрон платформаси (www.my.uzbmb.uz) орқали топширишлари мумкин.

Қабулга оид бошқа маълумотлар алоҳида эълон қилинади.