Профессионал овоз ёзиш мутахассисига танлов эълон қилинади

Ўзбекистон Республикаси Ҳуқуқни муҳофаза қилиш академияси видеоролик учун профессионал овоз ёзиш мутахассисига танлов эълон қилади (фуқаролик-ҳуқуқий шартнома асосида муайян муддатга).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академияси ташкил этилган.

Ўзбекистон Республикаси Ҳуқуқни муҳофаза қилиш академияси ўз фаолиятини очиқ ва шаффоф тарзда амалга оширади. Мазкур жараёнда видеоролик ва бошқа медиа материаллар воситасида кенг жамоатчилик, шу жумладан ёшлар ва уларнинг ота-оналарини Академиядаги таълим ва илмий-тадқиқот жараёнлари билан яқиндан таништириб боради.

Шу муносабат билан, таълим даргоҳи ва ундаги имкониятлар акс эттирилган видеоролик учун профессионал овоз ёзиш учун Академия фаолиятига вақтинчалик асосда сухандон мутахассисни вақтинчалик асосда жалб қилиш эҳтиёжи мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Сухандон қуйидаги вазифаларни бажаради:

Академия видеоматериаллари учун профессионал студияда овоз ёзишни таъминлайди;

тайёрланган овозли материалларни Академия раҳбарияти талабига кўра қайта ишлайди;

овозли хизматларни белгиланган муддатда ва сифатли бажаришни таъминлайди.

Номзодга қўйиладиган талаблар:

Телевидение ёки радио соҳасида камида 5 йиллик иш тажрибаси;

Видео ва аудио роликларни ишлаб чиқиш бўйича техник жиҳатдан таъминланганлик;

мос овоз тембрига ва юқори профессионал даражага эга бўлиш.

Бажариладиган иш муддати: 5 иш куни ичида.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: масъулият ва профессионализм, жамоа билан ҳамнафас ишлаш, берилган топшириқларни ўз вақтида ва сифатли бажариш.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом, меҳнат дафтарчаси нусхаси, СТИР, ПИНФЛ маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати – 2025 йил 15 апрель (шу куни ҳам).

Манзил: Тошкент ш. Юнусобод тумани Рихсили кўчаси, 9-уй (мўлжал: Зенит заводи).

Душанба-жума кунлари соат 10:00 дан 17:00 гача мурожаат учун тел.: 71-202-04-96 (1737).