Фавқулодда вазиятлардан муҳофаза қилиш ва фуқаро муҳофазаси ойлиги доирасидаги тадбирлар

Ўзбекистон Республикаси Ҳуқуқни муҳофаза қилиш академиясида фавқулодда вазиятлардан муҳофаза қилиш ва фуқаро муҳофазаси ойлиги доирасида бир қатор тадбирлар ташкил этилди.

Фавқулодда вазиятлар вазирлиги ходимлари билан ҳамкорликда Академиянинг ходим ва талабалари учун фавқулодда вазиятлар келиб чиққанда кўриладиган чоралар ва ҳаракатлар бўйича кўникмаларни шакллантириш мақсадида амалий маҳорат дарслари ўтказилди.

Тадбир иштирокчиларига зилзила, ёнғин ва бошқа фавқулодда вазиятларда амалга ошириш лозим бўлган тезкор чора-тадбирлар ва ҳаракатланиш қоидалари аниқ мисоллар ёрдамида батафсил тушунтирилди ва бу борада амалий кўникмалар шакллантирилди.