Озарбайжон Республикаси Молиявий мониторинг хизмати делегацияси ташрифи

Ҳуқуқни муҳофаза қилиш академиясига Озарбайжон Республикаси Молиявий мониторинг хизмати бошқаруви раиси З.Фатизаде бошчилигидаги делегация ташрифи амалга оширилди.

Ташриф давомида делегацияга Академиянинг тузилмаси ва асосий фаолият йўналишлари, прокуратура ва тергов органлари ходимларини тайёрлаш, қайта тайёрлаш ва малакасини оширишни ташкил этиш тизими ҳамда ўқув жараёни тўғрисида батафсил маълумот берилди.

Шунингдек, делегация вакиллари Академиянинг моддий-техник базаси, тингловчилар учун яратилган шарт-шароитлар, амалий кўникмаларни ўзлаштиришга қаратилган инфратузилма, таълим жараёнида қўлланилаётган замонавий технологиялар, юридик клиника, криминалистик полигон, лабораториялар, суд имитацияси хонаси ва бошқа амалий машғулотлар ўтказишга мўлжалланган махсус хоналар, шунингдек, ахборот-ресурс маркази фаолияти билан танишдилар.

Академиянинг илм-фан, таълим ва амалиётнинг ўзаро уйғунлигига асосланган таълим фаолияти меҳмонларда катта қизиқиш уйғотди.