Тергов ва суриштирув тузилмалари ходимлари учун ташкил этилган электив курси якунланди

Ҳуқуқни муҳофаза қилиш академияси ахборот-таълим портали негизида ҳуқуқни муҳофаза қилувчи органларнинг суриштирув ва тергов тузилмалари ходимлари учун ташкил этилган масофавий электив курс якунланди.

Мазкур курсда Ички ишлар вазирлиги, Миллий гвардия ва Давлат божхона қўмитасининг 110 нафардан ортиқ терговчи ва суриштирувчи ходимлари иштирок этди.

Электив курс жиноят ва ҳодиса бўйича бирламчи ҳаракатларни амалга ошириш, ҳодиса жойини кўздан кечириш, бедарак йўқолган шахсни қидириш, пора олиш ва қасддан одам ўлдириш жиноятларини тергов қилиш усуллари борасидаги билим ва кўникмаларни ривожлантиришдан иборат бўлиб, тўлиқ масофавий тарзда ташкил этилди.

Тингловчилар жиноятларни тергов қилиш усуллари ва методикасини ўрганиш, шунингдек мустақил иш юритиш кўникмаларини ривожлантириш имконига эга бўлдилар.

Курсни муваффақиятли якунлаган тингловчиларга электрон сертификатлар тақдим этилди.

Ижтимоий сўровнома сўровнома воситасида ўрганилган фикр-мулоҳазалар умумлаштирилиб, келгусида электив курсларни янада самарали ташкил этишга йўналтирилади.