Халқаро гемофилия куни муносабати билан Академияда донорлик акцияси ўтказилди

2025 йил 17 апрель, Халқаро гемофилия куни муносабати билан Академияда кўнгилли қон бериш акцияси ташкил этилди. Ушбу акцияга Академия ходимлари, малака ошириш курслари тингловчилари, талабалар, магистрантлар ва прокуратура органлари вакиллари қўшилдилар.

Тадбирнинг асосий мақсади – қон қуйиш зарурати бўлган беморлар, жумладан қоннинг ивиш тизими бузилган беморлар учун донор қон захирасини таъминлашдан иборат. Акция иштирокчилари юқори даражадаги ижтимоий масъулият, бирдамлик ва ёрдам қўлини чўзишга бўлган интилишларини намойиш этдилар.

"Бу каби тадбирлар нафақат ҳаётларни сақлаб қолади, балки бизнинг ҳар биримизда инсонийлик ва бирдамликни тарбиялайди", – деб таъкидлашди ташкилотчилар.

Ҳуқуқни муҳофаза қилиш академияси бу каби ташаббуслар ва хайрия ишларида фаол иштирок этишда давом этади.