Қашқадарё вилоятида сайёр ўқув амалий машғулотлар давом этмоқда

Академия бошлиғининг биринчи ўринбосари Е.В.Коленко раҳбарлигидаги ишчи гуруҳ томонидан ҳудудларга чиқилган ҳолда долзарб масалалар юзасидан ўқув ва амалий машғулотлар давом эттирилмоқда.

Хусусан, мазкур ишчи гуруҳ томонидан Қашқадарё вилояти туман (шаҳар) прокурорлари соҳавий ўринбосарлари учун маҳаллаларда ҳуқуқбузарликларнинг барвақт олдини олиш ҳамда жиноятчиликни жиловлаш масалаларига оид ўқув семинари ўтказилди.

Ўқув тадбири доирасида иштирокчиларга жиноятчиликнинг барвақт олдини олишнинг янги тизими, кибержиноятлар таҳдиди, кибержиноятларнинг олдини олиш ва уларни фош этишнинг ўзига хос жиҳатлари атрофлича тушунтирилди. Шунингдек, ҳудуддаги криминоген вазиятнинг кундалик таҳлили амалга оширилди.

Бундан ташқари, “Коррупцияга қарши курашишнинг долзарб масалалари” мавзусида ўқув семинари ташкил этилиб, коррупциявий омиллар бартараф этиш бўйича превентив чоралар, коррупциянинг олдини олиш, коррупцияга қарши курашиш, коррупцияга қарши ички назорат, кибер коррупцияга қарши курашиш, дастлабки терговнинг сифатини яхшилаш, соҳадаги тизимли камчиликлар, оқловнинг келиб чиқиш сабаблари каби қатор долзарб масалалар атрофлича кўриб чиқилди.

Ўқув тадбирлари давомида амалиётдаги муаммолар таҳлил қилиниб, ечимлари юзасидан фикр алмашилди, иштирокчиларни қизиқтирган саволларга жавоб берилди.

Ҳудудларда мазкур йўналишлардаги ўқув амалий машғулотлар тизимли давом эттирилади.