Белоруссия ахборот технологиялари ва рақамли криминалистика соҳасидаги тажриба ўрганилди

Белоруссия Республикасига амалга оширилган хизмат сафари доирасида Ўзбекистон Республикаси Бош прокуратураси ва Ҳуқуқни муҳофаза қилиш академияси вакилларидан иборат делегация Тергов қўмитаси фаолияти билан яқиндан танишдилар.

Ташриф доирасида делегация Белоруссия Тергов қўмитасида жорий этилган “След” ахборот тизимининг ишлаш механизми ва унинг имкониятлари билан танишди. Шунингдек, суд экспертизаларини ўтказишда ахборот технологияларидан фойдаланиш тартиби бўйича тажриба алмашилди.

Томонлар тергов амалиётида ахборот тизимларидан фойдаланиш, жиноятларни тергов қилиш жараёнларини рақамлаштириш ҳамда ҳуқуқни муҳофаза қилувчи органлар фаолиятида замонавий IT-ёндашувларни жорий этиш масалалари юзасидан ўзаро фикр алмашдилар.