Анқара Йилдирим Боязид университети билан ҳамкорлик мустаҳкамланмоқда

Ўзбекистон Республикаси Ҳуқуқни муҳофаза қилиш академиясида Анқара Йилдирим Боязид университети (Туркия) ректори, профессор Али Женгиз бошчилигидаги делегация вакиллари билан учрашув ўтказилди.

Учрашувда икки томонлама ҳамкорликни янада мустаҳкамлаш, академик алмашинув дастурларини амалга ошириш, таълим ва илмий тадқиқотлар соҳасида биргаликда ишлаш, қўшма илмий тадқиқотлар олиб бориш, шунингдек, ўзаро тажриба алмашинувини йўлга қўйиш, ўзаро ҳамкорликни ривожлантиришга қаратилган янги лойиҳа ва ташаббуслар муҳокама қилинди.

Ташриф давомида томонлар ўртасидаги ўзаро муносабатларни янги босқичга олиб чиқиш ва уларни янада мустаҳкамлашга қаратилган ҳамкорлик тўғрисидаги англашув меморандуми имзоланди. Мазкур ҳужжатнинг имзоланиши таълим ва илмий тадқиқотлар соҳасида муваффақиятли ҳамкорликни ривожлантириш ва икки академик муассаса ўртасидаги ўзаро алоқаларни янада чуқурлаштиришга хизмат қилади.