Ёшларнинг коррупцияга қарши билимларни ошириш бўйича тадбир ташкил этилди

Аҳоли ва давлат хизматчиларининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан ҳуқуқий иммунитетни шакллантириш, ёш авлод онгига ҳалоллик қадриятларини сингдириш Коррупцияга қарши курашиш виртуал академиясининг асосий йўналишларидан бири ҳисобланади.

Шу мақсадда, Академия Коррупцияга қарши курашиш агентлиги, Мактабгача ва мактаб таълими вазирлиги ҳамда Олий таълим, фан ва инновациялар вазирлиги билан биргаликда таълим ташкилотлари тарбияланувчилари, ўқувчилари ва талабалари учун Виртуал академияда ташкил этиладиган ўқув машғулотларининг контентлари ишлаб чиқилган.

Ёшларни Виртуал академия имкониятларидан фойдаланиш кўникмаларини ошириш мақсадида Академиянинг Коррупцияга қарши курашиш илмий-таълим маркази бошлиғи Х.Турсунбеков Қарши давлат университетида профессор-ўқитувчилар, талабалар иштирокида семинар машғулоти ўтказилди.

Унда иштирокчиларга Виртуал академия платформаси, олий таълим муассасалари талабалари учун мўлжалланган “Коррупцияга қарши курашиш” махсус ўқув курси, дастурлар ва ўқув материалларидан фойдаланиш тартиби батафсил ёритиб берилди.

Тадбир талаба-ёшларда Виртуал академияга катта қизиқиш уйғотишга, шунингдек Академия вакилига мавзуга доир саволлар билан мурожаат этиб, мазмунли жавоблар олишга имкон берди.