Академияда Россия Федерацияси Бош прокуратураси ходимлари учун семинар-тренинг бўлиб ўтди

Ҳуқуқни муҳофаза қилиш академиясида Россия Федерацияси Бош прокуратураси ходимлари учун Интернет тармоғида вояга етмаганларга нисбатан зўравонлик билан боғлиқ жиноятларни амалга оширувчи шахсларни аниқлаш, уларнинг ноқонуний фаолиятини тўхтатиш, шунингдек, ушбу мақсадда дастурий таъминотни яратиш ва ундан самарали фойдаланишга қаратилган семинар-тренинг машғулотлари ўтказилди.

Бир ҳафталик ўқув тадбири доирасида болаларга нисбатан зўравонликка қарши курашишга оид миллий қонунчилик, компьютер-техника ва мобил криминалистика, замонавий ахборот технологияларидан самарали фойдаланиш имкониятлари муҳокама қилинди.

Семинар-тренинг иштирокчилари билим ва малакасини ошириш билан бирга, ўз касбий фаолиятида илғор усуллар ва технологияларни жорий этишга қаратилган амалий кўникмаларга эга бўлдилар.