Ёшларнинг коррупцияга қарши билимларни ошириш бўйича тадбирлар давом этмоқда

Академия томонидан “Адолат” социал-демократик партияси билан ҳамкорликда Ислом Каримов номидаги Тошкент давлат техника университети профессор-ўқитувчилари ва талабалари иштирокида коррупцияга қарши курашиш масаласига бағишланган семинар ўтказилди.

Семинарда Ҳуқуқни муҳофаза қилиш академиясининг Коррупцияга қарши курашиш илмий-таълим маркази бошлиғи Х.Турсунбеков маъруза билан иштирок этди.

Маърузачи иштирокчиларга таълим тизимидаги коррупциявий ҳуқуқбузарликларнинг аҳволи, мавжуд бўлган хавф-хатарлар, ёш авлод онгига ҳалоллик қадриятларини сингдиришда Коррупцияга қарши курашиш виртуал академияси электрон платформасининг ўрни, ўқув дастурлари ва материалларидан фойдаланиш бўйича тартиб-қоидалар ҳақида батафсил тушунтириш бериб ўтди.