Фаолиятни психологик таъминлаш соҳасида семинар-тренинг ташкил этилди

Ҳуқуқни муҳофаза қилиш академияси профессор-ўқитувчилари ва ходимлари учун Касбий психология ва  бошқарув фаолияти кафедраси мутахассислари томонидан инсон ҳаётидаги психологик муаммолар ва уларни ҳал этиш усулларига бағишланган семинар-тренинг ўтказилди.

Тадбир иштирокчилари шахс психологик тузилмасида юзага келадиган зиддиятлар, инсонда турли негатив ҳиссиётлар уйғотувчи деструктив хулқ шакллари ва уларни тузатиш имкониятлари ҳақида гаплашиб ўтилди.

Семинарда инсонда психологик муаммоларни огоҳлантирувчи муҳим психологик ҳолат – ҳаракатларнинг англанганлигини таъминлаш тамойилини ҳаётга жорий этиб бориш ва бу борада бажарилиши лозим бўлган психологик машқлар ҳақида ҳам сўз борди.

Семинар-тренинг давомида Академия профессор-ўқитувчилари ва ходимларининг барча саволларига жавоблар берилди.