Академия 2025 йилги Times Higher Education Asia University Rankings рейтингидан ўрин олди

Ўзбекистон Республикаси Ҳуқуқни муҳофаза қилиш академияси нуфузли Times Higher Education (THE) Asia University Rankings (Осиё университетлари) 2025 рейтингига “репортёр" мақоми билан кирди.

2025 йилги Осиё университетлари рейтинги 40 га яқин давлатдан 1 200 дан ортиқ муассасаларни қамраб олган. Мазкур рейтингда илк бор 4 давлат, шу жумладан Ўзбекистон университетлари эътироф этилмоқда. Рейтингда Хитой университетлари етакчиликни сақлаб қолмоқда.

Рейтинг 18 та мезон ва 5 та асосий йўналиш бўйича университетларнинг фаолиятини баҳолайди: таълим, илмий тадқиқот муҳити, тадқиқотлар сифати, амалиёт ва халқаро ҳамкорлик.

Ушбу рейтингдаги эътироф Академиянинг ҳуқуқни муҳофаза қилиш соҳасидаги таълим ва тадқиқотларни ривожлантиришга, халқаро ҳамкорликни кенгайтиришга, ҳамда замонавий академик муҳитни яратишга бўлган интилишларининг эътирофи ҳисобланади.