Коррупцияга қарши курашиш бўйича навбатдаги семинар ташкил этилди

Ҳуқуқни муҳофаза қилиш академияси томонидан “Ўзбекнефтгаз” акциядорлик жамияти билан ҳамкорликда жамият ходимлари учун коррупцияга қарши курашиш соҳасидаги қонунчилик мазмун-моҳиятига бағишланган ўқув семинари ташкил этилди.

Семинарда Академиянинг Коррупцияга қарши курашиш илмий-таълим маркази бошлиғи Худойберди Турсунбеков иштирокчиларга мамлакатимизда коррупцияга қарши курашиш соҳасида амалга оширилаётган ислоҳотлар хусусида маъруза қилди.

Шунингдек, Давлат Раҳбари томонидан жорий йилнинг 5 март куни Коррупцияга қарши курашиш бўйича миллий кенгашнинг кенгайтирилган йиғилишида белгиланган устувор вазифалар ва уларнинг ижросини таъминлаш, коррупцияга қарши курашиш бўйича янги тизимни жорий этишга қаратилган Президентимиз томонидан 21 апрелда қабул қилинган ПФ-71-сон Фармони бўйича тушунтиришлар берилди.