Талабалар учун дуал таълим имкониятлари кенгаймоқда

Академияда талабаларнинг назарий билимларини амалий жиҳатдан мустаҳкамлаш, уларнинг касбий кўникмаларини ривожлантириш, таълим жараёнида назария ва амалиёт уйғунлигини таъминлашга қаратилган дуал таълим тизими жорий этилиб, изчил амалга ошириб борилмоқда.

Талабалар тизимли равишда ҳуқуқни муҳофаза қилувчи органларида амалиёт ва стажировкаларга жалб қилиниб, касбий малакаларини шакллантириб бормоқда. Навбатдаги амалий машғулотлар Тошкент шаҳар Ички ишлар Бош бошқармасининг Ягона тезкор бошқарув маркази, Махсус қабулхонаси, шунингдек Пост-патруль хизмати саф бўлинмасида ташкил этилди.

Талабалар ушбу машғулотлар давомида соҳа мутахассисларидан жиноятларни ўз вақида аниқлаш, фош этиш ва олдини олиш амалиёти,  ҳуқуқбузарликлар профилактикаси ва жамоат хавфсизлигини таъминлаш фаолиятини амалга оширишнинг усул ва воситалари ҳақида амалий кўникмаларга эга бўлдилар.