9 май – Хотира ва Қадрлаш кунига бағишланган туркум тадбирлар

9 май – Хотира ва қадрлаш куни муносабати билан Ҳуқуқни муҳофаза қилиш академиясида туркум тадбирлар ўтказиб келинмоқда.

Байрам арафасида Академия раҳбарияти ва талабалари уруш фахрийлари ҳолидан хабар олишди.

Уруш иштирокчилари – миллий ғуруримиз ва ор-номусимиз рамзи сифатида халқимизнинг доимий эътибори ва эъзозида бўлиб келмоқдалар. Бугунги тинч, озод ва фаровон ҳаёт учун ўз жонини аямаган бу улуғ инсонлар олдида элимиз ва давлатимиз доимо миннатдордир.

Қаҳрамонларимизнинг Ватан олдидаги беқиёс хизматлари муносиб эътироф этилди. Уларга эзгу тилаклар билдирилди, моддий ва маънавий кўмак кўрсатилди. Ушбу ташаббус уруш фахрийларининг юрагида чуқур таассурот қолдирди.

Жонли мулоқот, самимий суҳбатлар ва фахрийлар дуолари барча иштирокчиларни руҳлантирди.

Бизнинг муқаддас бурчимиз – тинч ҳаётни бағишлаган, жасорат ва фидокорлик намунасини кўрсатган бу инсонларни доимо қадрлаш, улуғлаш ва келажак авлод учун ибрат сифатида тарғиб этишдан иборатдир.

Бундан ташқари Академия профессор-ўқитувчилари, ходимлар ва талабалар учун қатағон қурбони бўлган Муҳаммаджон Муминов ва Дилора Юсупова ҳаётига бағишланган “Маърифат йўлида жон фидо!” деб номланган саҳна кўриниши намойиш этилди.