Академия футбол терма жамоаси – “Coca-cola Students Cup” футбол турнири иштирокчиси

Академияда ёшлар ўртасида оммавий спортни, айниқса, футболни ривожлантириш ва уларни спортга жалб қилишга алоҳида эътибор қаратилмоқда.

Ўзбекистон Республикаси олий таълим, фан ва инновациялар вазирлиги, Ички ишлар вазирлиги, Профессионал футбол лигаси томонидан ОТМ талабалари ўртасида “Янги Ўзбекистон ёшларимиз” шиори остида ўтказилаётган футбол бўйича “Coca-Сola Students Cup” мусобақаларида Академиянинг футбол терма жамоаси иштирок этмоқда.

Мазкур футбол турнирида Тошкент шаҳри ва Тошкент вилояти олий таълим муассасаларидан 73 та жамоа иштирок этмоқда.

“Coca-Cola Students Cup” мусобақаси Академия учун футболчи ёшларнинг тажрибасини ошириш ва келажакдаги муваффақиятлари учун яхши майдон бўлади. Бу турнирда иштирок этиш давомида ёшлар нафақат жисмоний маҳоратини, балки жамоавий ишлаш кўникмаларини ҳам ривожлантиради.

Академия терма жамоасига омад тилаймиз!