Дуал таълим доирасида амалий машғулотлар давом этмоқда

Академияда талабаларнинг назарий билимларини амалий жиҳатдан мустаҳкамлаш, уларнинг касбий кўникмаларини ривожлантириш, таълим жараёнида назария ва амалиёт уйғунлигини таъминлашга қаратилган дуал таълим тизими жорий этилиб, изчил амалга ошириб борилмоқда.

Талабалар тизимли равишда ҳуқуқни муҳофаза қилувчи органларида амалиёт ва стажировкаларга жалб қилиниб, касбий малакаларини шакллантириб бормоқда. Навбатдаги дуал таълим машғулотлари Тошкент шаҳар Ички ишлар Бош бошқармасининг Эксперт-криминалистика маркази, Пробация хизмати, Пост-патруль хизматининг отлиқ бўлинмасида ташкил этилди.

Талабалар ушбу машғулотлар давомида соҳа мутахассисларидан жамоат тартибини сақлаш амалиёти, дастлабки терговнинг криминалистик услубиёти ва экспертиза тадқиқотлари, пробация хизмати фаолиятини ташкил этиш ҳақида амалий кўникмаларга эга бўлдилар.