Академия бакалавриатининг “Тергов фаолияти” йўналиши бўйича танловда иштирок этувчи номзодлар диққатига

Вазирлар Маҳкамасининг 2023 йил 6 апрелдаги 143-сон қарори билан тасдиқланган Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги низомнинг 48-бандига асосан, Академия бакалавриатининг «Тергов фаолияти» йўналишига қабул доирасида махсус психологик танлов ва ёзма имтиҳонда иштирок этиш учун барча талабгорлардан базавий ҳисоблаш миқдорининг ярим баравари миқдорида тўлов ундирилади.

Номзодларга билим ва малакаларни баҳолаш агентлигининг махсус электрон платформаси орқали рўйхатдан ўтган телефон рақамига тўловни амалга ошириш лозимлиги ҳақида СМС хабар юборилган.

Шу муносабат билан, номзодларга тўловларни тезкорлик билан амалга ошириш зарурати эслатилади (инвойс шахсий кабинетда кўринади).