Талабалар малакавий амалиёти давом этмоқда

Академия бакалавриати талабалари учун малакавий амалиёт жараёни давом этмоқда.

Бакалавриатнинг “Тергов фаолияти” ҳарбийлаштирилган йўналиши талабалари ҳудудий ички ишлар органларининг тергов бўлинмаларига, ҳарбийлаштирилмаган йўналиши талабалари прокуратура органларининг тергов тармоқларига, “Прокурорлик фаолияти” йўналиши талабалари туман (шаҳар) прокуратураларига малакавий амалиётни ўтамоқда.

Малакавий амалиётни ташкил этишда талабаларнинг назарий билимларини чуқурлаштириш ва мустаҳкамлаш, махсус касбий кўникмаларни шакллантириш ва ривожлантириш, жиноят ишлари бўйича мустақил иш юритиш кўникмаларини ривожлантиришга асосий эътибор қаратилди.

Академия профессор-ўқитувчилари томонидан ҳудудларда талабаларнинг малакавий амалиёт ўташ жараёни мониторинги юритилиб, малакавий амалиёт дастурида белгиланган вазифаларни бажариш, суриштирув ва дастлабки тергов ҳаракатларини ўрганиш, жумладан процессуал ҳужжатлар намуналарини тайёрлашда иш берувчи ташкилот вакиллари билан биргаликда услубий ёрдам кўрсатилмоқда.