“Биргаликда коррупцияга қарши” мавзусида ёшлар танлови ўтказилмоқда

Ёш авлод эътиборини коррупция муаммоларига қаратиш, уларнинг ижодий ташаббусларини қўллаб-қувватлаш ҳамда рағбатлантириш мақсадида Россия Федерацияси Бош прокуратураси томонидан “Биргаликда коррупцияга қарши” мавзусида ёшлар танлови ўтказилмоқда.

Танловга 10-25 ёш оралиғидаги ёшлар қуйидаги 3 та номинация бўйича иштирок этадилар:

• “Энг яхши плакат” (компьютер дастурлари, планшетлар ёрдамида график тарзда қилинган, А3 форматда (297х420 мм) 15 мб дан ошмайдиган ишлар);
• “Энг яхши расм” (қўлда чизмачилик аксессуарлари – қалам, фломастер, рангли қаламлар, бўёқлар, эскиз маркерлари ёрдамида қўлда тайёрланган А3 форматда (297х420 мм) 15 Мб дан ошмайдиган ижод намуналари);
• “Энг яхши видеоролик” (умумий ҳажми 300 Мб ошмайдиган, 3840х2160 ўлчамдан ортиқ бўлмаган, mp4 форматда).

Танлов ғолиблари ва совриндорлари Танлов рамзлари туширилган фахрий медаллар, эсдалик совғалари, электрон сертификатлар, шунингдек бошқа совринлар билан тақдирланадилар.

Танлов якунларини сарҳисоб қилиш, ғолиб ва совриндорларни эълон қилиш 9 декабрь – “Халқаро коррупцияга қарши курашиш куни” муносабати билан ўтказилади.

Изоҳ: аризалар қабули www.anticorruption.life сайти орқали жорий йил 1 майдан 1 октябргача давом этади.