Академия вакиллари Халқаро юристлар конгрессида иштирок этдилар

Ҳуқуқни муҳофаза қилиш академияси вакиллари Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари академияси томонидан Астана шаҳрида ташкил этилган “Замонавий дунёда қонун, ҳуқуқ, адолат” мавзусидаги Халқаро юристлар конгрессида иштирок этдилар.

Ушбу тадбир Қозоғистоннинг Туркий давлатлар суд-ҳуқуқий таълим тармоғи раислиги ҳамда Академиянинг 10 йиллиги муносабати билан ташкил этилган.

Конгресс ишида Озарбайжон, Қирғизистон, Туркия, Ўзбекистон ва Қозоғистон илмий-таълим муассасалари ва ҳуқуқни муҳофаза қилиш органлари вакиллари иштирок этишди.

Конгресс доирасида Қозоғистон Республикаси Бош прокуратураси, Конституциявий суди ва Олий судига ташрифлар ташкил этилди, шунингдек, тадбир иштирокчилари билан икки томонлама учрашувлар ўтказилди.