Махсус психологик танлов ҳамда ёзма имтиҳон бўлиб ўтди

2025 йил 1 июнь куни Ўзбекистон Республикаси Ҳуқуқни муҳофаза қилиш академиясининг “Тергов фаолияти” бакалавриат таълим йўналишига ўқишга қабул қилиш бўйича махсус психологик танлов ва ёзма имтиҳон (диктант) ўтказилди.

Имтиҳонлар Қорақалпоғистон Республикаси, вилоятлар ҳамда Тошкент шаҳрида ташкил этилди ва унда 2,4 минг нафардан ортиқ талабгор иштирок этди.

Махсус психологик танловда талабгорларга 50 та тест топшириғи ва уларни ишлаш учун 40 дақиқа вақт берилди.

Ёзма имтиҳон эса аудиоматн асосида диктант шаклида ўтказилди.

Махсус психологик танловда ҳам, ёзма имтиҳонда ҳам максимал балл 100 баллни ташкил этади. Имтиҳон натижалари Билим ва малакаларни баҳолаш агентлиги томонидан текширилиб,  Академияга тақдим этилади.