Ҳуқуқни муҳофаза қилиш академиясида магистрлик диссертацияларининг якуний ҳимояси бўлиб ўтди

Жорий йилнинг 2-5 июнь кунлари Ўзбекистон Республикаси Ҳуқуқни муҳофаза қилиш академияси магистратура тингловчиларининг магистрлик диссертацияларини ҳимоя қилиш жараёнлари ўтказилди.

Мазкур ҳимоя жараёнлари белгиланган тартиб ва талабларга мувофиқ, юқори савияда ташкил этилди.

Тингловчилар томонидан ҳуқуқни муҳофаза қилиш соҳасидаги долзарб мавзулар – жиноятчиликка қарши кураш, инсон ҳуқуқларини ҳимоя қилиш, коррупцияга қарши курашиш ҳамда суд-ҳуқуқ ислоҳотлари ва бошқа муҳим йўналишларда илмий-таҳлилий тадқиқотларни амалга оширган ҳолда, илмий-амалий таклиф ва хулосаларни илгари сурдилар.

Ҳимоя жараёнларида Академия раҳбарияти, профессор-ўқитувчилар, илмий раҳбарлар ва соҳа мутахассислари иштирок этиб, ҳар бир иш юзасидан холис ва асосланган хулосалар беришди.