АНОНС: Халқаро илмий-амалий конференция ўтказилиши ҳақида

2025 йил 19-20 июнь кунлари Ўзбекистон Республикаси Ҳуқуқни муҳофаза қилиш академиясида “Рақамли трансформация даврида ҳуқуқни муҳофаза қилиш фаолияти соҳасида замонавий чақириқлар ва таҳдидлар” мавзусида халқаро илмий-амалий конференция бўлиб ўтади.

Тадбирда фан ва таълим соҳасидаги 50 дан ортиқ хорижий экспертлар, шунингдек кўп сонли миллий экспертлар, етакчи олимлар ва ҳуқуқни муҳофаза қилиш соҳаси амалиётчи ходимлари, тадқиқотчилар иштирок этиши кутилмоқда.

Конференция дастуридан “Рақамли трансформация даврида ҳуқуқни муҳофаза қилиш фаолияти соҳасида замонавий чақириқлар ва таҳдидлар” мавзусида ялпи мажлис, шунингдек “Ҳуқуқни муҳофаза қилиш соҳасида фан ва таълимнинг долзарб масалалари”, “Тергов фаолиятини ташкил этишга янгича ёндашувлар: рақамли криминалистиканинг роли”, “Рақамли даврда коррупция ва жиноий даромадларни легаллаштириш ва терроризмни молиялаштиришга қарши курашиш” мавзуларида параллел сессиялар ўрин олган.

Халқаро илмий-амалий конференция якунига кўра илмий мақола ва тезислар тўплами нашр этилиши режалаштирилган.

Мақола ва тезисларга қўйилган талаблар (ҳавола).