Академия бакалавриатининг “Юриспруденция” (Прокурорлик фаолияти) йўналишига қабул бўйича

Ўзбекистон Республикаси Президентининг
2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги
ПФ–257-сонли Фармонига асосан Ўзбекистон Республикаси Ҳуқуқни муҳофаза қилиш академиясида 2023/2024 ўқув йилидан бошлаб бакалавриатнинг “Юриспруденция” (Прокурорлик фаолияти) йўналиши бўйича кадрларни тайёрлаш жорий этилган.

Шунга кўра, Ҳуқуқни муҳофаза қилиш академиясида 2025/2026 ўқув йили учун “Юриспруденция” (Прокурорлик фаолияти) бакалавриат таълим йўналишига қабул бошланганлиги маълум қилинади.

Академия бакалавриати “Юриспруденция” (Прокурорлик фаолияти) йўналиш бўйича ўқитиш кундузги таълим йўналишларида ўзбек ва рус тилларида, давлат грантлари ва тўлов контракт асосида  амалга оширилади.

“Юриспруденция” (Прокурорлик фаолияти) йўналиши бўйича ўқишга қабул қилиш танловида иштирок этувчи номзодлар жорий йилнинг 5 июндан 25 июнга қадар (25 июнь куни ҳам) тест синови топшириш учун my.uzbmb.uz сайтининг “Олий ва профессионал таълим муассасаларига қабул (2025-2026-ўқув йили учун)” бўлинмасида “Юриспруденция” ва “Чет тили”  тест синови топшириладиган фанлар мажмуаси,  таълим тили ва тест топшириш ҳудудини танлаш лозим.

Тест синовлари июль ойида ўтказилиши режалаштирилган.

Шунингдек, номзодлар тегишли сертификатларни юклаши мумкин.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy;

www.instagram.com/proacademyuz/;

https://t.me/TheLawEnforcementAcademy;

http://x.com/ProAcademyUz;

https://www.youtube.com/@HMQakademiyasi, ҳамда оммавий ахборот воситалари орқали танишиб боришингиз мумкин.