“Жамоат тартибини таъминлаш соҳасида жиноятчиликни олдини олиш ва коррупцияга қарши курашиш чора-тадбирлари” мавзусида давра суҳбати

Жорий йилнинг 28 ноябр куни Бош прокуратура Академияси томонидан Иқтисодий ҳамкорлик ва ривожланиш ташкилоти (ИҲРТ) билан ҳамкорликда  “Жамоат тартибини таъминлаш соҳасида жиноятчиликни олдини олиш ва коррупцияга қарши курашиш чора-тадбирлари” мавзусида давра суҳбати ташкил этилди.

Тадбир ИҲРТнинг Шарқий Европа ва Марказий Осиё давлатларида коррупцияга қарши курашиш  бўйича тармоқ делегацияси ва экспертларининг Ўзбекистонга ташрифи доирасида бўлиб ўтди.

Маълумот учун: Шарқий Европа ва Марказий Осиё давлатларида коррупцияга қарши курашиш  бўйича ИҲРТнинг тармоғи 1998 йилда ташкил этилган бўлиб, коррупцияга қарши курашиш бўйича аъзо мамлакатларнинг саъй ҳаракатларини қўллаб қувватланиши учун мўлжалланган.

Ўзбекистон 2010 йилдан буён коррупцияга қарши кураш бўйича Стамбул ҳаракат режаси орқали қатнашиб келмоқда (2003 йилдан бери коррупцияга қарши курашиш ислоҳотларини минтақавий ҳамкорлик дастури асосида Озарбайжон, Арманистон, Грузия, Қозоғистон, Монголия, Тожикистон, Украина ҳамда Ўзбекистон мамлакатларида кузатув ва мониторинглар орқали қўллаб-қувватламоқда).

Давра суҳбатида Олий суд, Бош прокуратура, Адлия вазирлиги, Ички ишлар вазирлиги, ИИВ Академияси, Давлат хавфсизлик хизмати институти, Миллий гвардия ҳарбий-техник институти ҳамда Тошкент давлат юридик университети вакиллари иштирок этдилар.

Тармоқ менежери Ольга Савран, ИҲРТ эксперти Екатерина Згуладзе ва Руминия Ички ишлар вазирлиги вакили Михай Барличи ўзларининг Грузия, Украина, Руминия ва бошқа давлатлардаги полиция фаолиятида коррупцияга қарши стандартларнинг жорий этилиши борасидаги тажрибалари билан ўртоқлашишди.

Иштирокчилар ички ишлар органларида ва бошқа ҳуқуқни муҳофаза қилувчи тизимларда ҳалолликни таъминлаш, муваффақиятли амалиётлар ҳамда мамлакатда коррупцияга қарши ислоҳотларни амалга ошириш бўйича қўйилган вазифалар ҳақида фикр алмашишди.