Ўзбекистон Республикаси Ҳуқуқни муҳофаза қилиш академияси магистратурасига қабул эълон қилинади

Ўзбекистон Республикаси Ҳуқуқни муҳофаза қилиш академиясида 2025/2026 ўқув йили учун магистратуранинг қуйидаги, яъни “Прокурорлик фаолияти”, “Прокурорлик фаолияти” (кечки ва масофавий), “Коррупцияга қарши курашиш”, “Инсон ҳуқуқларига оид халқаро ҳуқуқ” ҳамда “Киберхавфсизликни ҳуқуқий таъминлаш” мутахассисликларига қабул 10 июндан – 31 июлга қадар “mydtm.uz” электрон платформаси (my.uzbmb.uz) орқали ташкил этилади.

«Киберхавфсизликни ҳуқуқий таъминлаш» мутахассислигига Рақамли технологиялар вазирлиги томонидан тасдиқланган иловадаги нуфузли халқаро IT-сертификатга эга номзодлар танловнинг «Информатика ва ахборот технологиялари» фанидан имтиҳон топширишдан озод этилади ҳамда ушбу йўналишга ўқишга қабул қилинган тингловчиларнинг охирги эгаллаб турган лавозими бўйича белгиланган тартиб ва миқдорда меҳнатга ҳақ тўлаш фонди тўловлари (пул таъминоти) сақланади.

Янги ўқув йилида магистратуранинг ушбу мутахассисликлари бўйича таълимнинг кундузги шакли учун жами 65 та, кечки шакли учун 10 та, масофавий шакли учун 35 та қабул параметрлари қуйидагича тасдиқланмоқда:

‒“Прокурорлик фаолияти”–15 та (6 таси давлат гранти, 9 таси тўлов контракт асосида);

‒“Коррупцияга қарши курашиш” – 15 та (6/9);

‒“Инсон ҳуқуқларига оид халқаро ҳуқуқ” – 15 та (6/9);

–“Киберхавфсизликни ҳуқуқий таъминлаш” – 20 та (6/14).

Бунда, прокуратура органлари ходимлари учун қабул параметрлари сони давлат гранти асосида жами 20 та (ҳар бир мутахассислик учун 5 тадан) этиб белгиланган.

Очиқ  танлов  бўйича  (ташқи  номзодлар  учун)  қабул параметрлари  сони давлат гранти асосида жами 4 та (ҳар бир мутахассислик учун 1 тадан), тўлов  контракт асосида жами 36 та (ҳар бир мутахассислик учун 9 тадан) этиб белгиланган.

Хусусан, “Киберхавфсизликни ҳуқуқий таъминлаш” мутахассислиги бўйича таълимнинг кундузги шакли учун жами 6 та давлат гранти асосида ҳамда 14 та тўлов – контракт асосида қабул параметрлари тасдиқланмоқда.

Ушбу таълим шакли бўйича прокуратура органлари ходимлари учун 5 та (давлат гранти асосида), очиқ танлов бўйича (ташқи номзодлар учун) 1 та (давлат гранти асосида) ва 9 та (тўлов - контракт асосида) ҳамда ваколатли давлат органлари ходимлари учун 5 та (тўлов - контракт асосида) ўрин назарда тутилмоқда.

Бундан ташқари, “Прокурорлик фаолияти” мутахассислиги бўйича таълимнинг кечки шакли учун жами 10 та (тўлов – контракт асосида) қабул параметрлари тасдиқланмоқда.

Мазкур таълим шакли очиқ танлови бўйича (ташқи номзодлар учун)  – 10 та ўрин назарда тутилмоқда.

Шунингдек, “Прокурорлик фаолияти” мутахассислиги бўйича таълимнинг масофавий шакли учун жами 5 та давлат гранти асосида ва 30  та тўлов - контракт асосида қабул параметрлари тасдиқланмоқда.

Ушбу таълим шакли бўйича прокуратура органлари ходимлари учун 5 та давлат гранти асосида, 10 та тўлов - контракт асосида ҳамда очиқ танлов бўйича ташқи номзодлар учун 10 та (тўлов - контракт асосида) ҳамда ваколатли давлат органлари ходимлари учун 10 та (тўлов - контракт асосида) ўрин назарда тутилмоқда.

Очиқ танлов бўйича давлат гранти асосида қабул қилинган тингловчиларга қонун ҳужжатларида белгиланган тартиб ва миқдорда ҳар ойлик стипендия тўланади.

Танловлар август ойида ўтказилади.

Ҳуқуқни муҳофаза қилиш академияси

Ўзбекистон Республикаси Ҳуқуқни муҳофаза қилиш академияси магистратурасига қабул қилиш ва ўқитишни ташкил этиш тартиби тўғрисидаги низом билан қуйидаги ҳавола орқали танишишингиз мумкин: http://lex.uz/uz/docs/6425532.

Академия магистратурасига кириш имтиҳонлари билан боғлиқ янгиликлар Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy,

www.instagram.com/proacademyuz/,

https://t.me/TheLawEnforcementAcademy,

http://x.com/ProAcademyUz,

https://www.youtube.com/@HMQakademiyasi, ҳамда оммавий ахборот воситалари орқали танишиб боришингиз мумкин.

Шунингдек, Академия магистратурасига қабул билан боғлиқ маълумотларни 71-202-04-96 (ички: 1795 ва 1716) телефон рақами орқали ҳам билиб олишингиз мумкин.