“Ёшлар – коррупцияга қарши ҳаракат етакчилари” мавзусидаги ўқув-семинар ташкил этилди

Ҳуқуқни муҳофаза қилиш академиясида “Рақамли трансформация даврида ҳуқуқни муҳофаза қилиш соҳасидаги замонавий чақириқ ва таҳдидлар” мавзусидаги халқаро илмий-амалий конфeрeнция доирасида “Ёшлар – коррупцияга қарши ҳаракат етакчилари” мавзусидаги махсус ўқув-семинари ташкил этилди.

Аралаш шаклдаги ўқув-семинари Ўзбекистон Республикаси Олий Мажлиси Қонунчилик палатаси ҳузуридаги Ёшлар парламенти билан ҳамкорликда ўтказилиб, унда жами 200 нафарга яқин Ёшлар парламентининг аъзолари қатнашди.

Ўқув тадбири Қонунчилик палатаси Коррупцияга қарши курашиш ва суд-ҳуқуқ масалалари қўмитаси аъзолари, Ёшлар парламенти раиси, Коррупцияга қарши курашиш агентлиги, Ёшлар ишлари агентлиги ва Ҳуқуқни муҳофаза қилиш академияси вакиллари томонидан олиб борилди.

Тадбирда Ёшлар парламентининг аъзоларига Ўзбекистон Республикаси Президентининг 2025 йил 21 апрелдаги ПФ–71-сон Фармони мазмун-моҳияти, мамлакатимизда коррупциянинг олдини олиш ва унга қарши курашиш соҳаларида амалга оширилаётган чора-тадбирлар, ёшлар, шу жумладан Ёшлар парламентининг коррупцияга қарши курашишда ўрни ва аҳамияти, шунингдек ёшлар томонидан амалга оширилаётган бу борадаги лойиҳалар хусусида батафсил маълумот берилди.

Интерактив тарзда ташкил этилган ўқув-семинари ёшларга коррупцияга қарши курашишда фаол иштирок этишга доир зарур билим ва малакаларини янада оширишга имкон берди.