Ҳуқуқбузарликлар профилактикаси масалалари муҳокама қилинди

Бош прокуратура Академиясида мамлакатимизда Иқтисодий ҳамкорлик ва тараққиёт ташкилотининг «Ўзбекистонда коррупцияга қарши курашишда кўмаклашув» янги лойиҳаси доирасида ташриф буюрган ИҲТТ эксперти Екатерина Згуладзе билан ишчи учрашуви бўлиб ўтди.

Тарафлар Ўзбекистонда жиноятчиликка қарши курашиш ва ҳуқуқбузарликлар профилактикаси, жиноятлар содир этилишининг сабаб ва шароитларини ўрганиш ҳамда диагностика қилиш тизими самарадорлигини ошириш, аҳоли билан мулоқот ва  ҳуқуқбузарликлар профилактикасининг бошқа масалаларини муҳокама қилишди.

Муқаддам кўп йиллар мобайнида Грузия ва Украинанинг ички ишлар вазири ўринбосари, биринчи ўринбосари лавозимларида хизмат қилиб келган Е.Згуладзе, бу давлатларда жиноятчиликка қарши курашиш ва олдини олиш борасида амалга оширилган ислоҳотларнинг институционал механизмлари ҳамда профилактик ишларни ташкиллаштиришдаги тажрибаси билан алмашди.