Кадрлар тайёрлаш соҳасида халқаро ҳамкорлик

"Минтақавий мулоқот" ХННТ кўмагида Академия вакиллари АҚШ Федерал ҳуқуқни муҳофаза қилиш ходимларини тайёрлаш маркази (FLETC)га ташриф буюрдилар.

Ташриф доирасида Академия ходимлари мазкур марказнинг асосий фаолият йўналишлари, яъни АҚШнинг 130 дан ортиқ ҳуқуқни муҳофаза қилиш тузилмалари учун кадрлар тайёрлашга ихтисослашган тизими, таълим дастурларини аккредитациялаш амалиёти, замонавий инфратузилмаси, шунингдек тингловчиларнинг таълим олиши ва яшаши учун яратилган шарт-шароитлар ҳамда ўқув-иммитация комплекслари билан яқиндан танишдилар.

Жумладан, кибержиноятларни тергов қилиш ва рақамли криминалистика соҳалари бўйича кадрлар тайёрлашда қўлланилаётган энг илғор дастурий таъминот ва техника воситалари имкониятлари бўйича тақдимот ўтказилди.

Ташриф якунида ҳар икки таълим муассасасининг устувор йўналишлари бўйича тажриба алмашиш ҳамда ҳуқуқни муҳофаза қилиш органлари ходимларини тайёрлаш соҳасида яқин ҳамкорлик ўрнатиш масалалари муҳокама қилинди.