Академияда ҳамкорлар билан учрашув

Академияда гиёҳванд моддаларнинг онлайн савдосига қарши курашишга бағишланган тренинг доирасида ташриф буюрган АҚШнинг Ўзбекистондаги элчиси ўринбосари Х.Бернс хоним ва Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази директори ўринбосари Ш.Қаюмов билан учрашув ташкил этилди.

Меҳмонлар Академия ва унинг асосий фаолият йўналишлари, прокуратура ва тергов органлари ходимларини тайёрлаш, қайта тайёрлаш ва малакасини оширишни ташкил этиш тизими билан танишиб чиқдилар.

Шунингдек, меҳмонлар Академиянинг амалий кўникмаларни ўзлаштиришга қаратилган замонавий таълим инфратузилмаси, таълим жараёнида қўлланилаётган замонавий технологиялар ва ёндашувлари билан танишдилар. Меҳмонлар Академия юридик клиникаси, криминалистик полигонлар, рақамли криминалистика лабораторияси, суд имитацияси хонаси ва бошқа амалий ва симуляцион машғулотлар ўтказишга мўлжалланган махсус хоналар, шунингдек, ахборот-ресурс марказини кўздан кечирдилар. Академиянинг таълим ва амалиётнинг ўзаро уйғунлигига асосланган ўқув фаолияти меҳмонларда катта қизиқиш уйғотди.