Академия Java дастурчи вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган.

Академияда рақамли таълим тизимларини жорий этиш ва уларни ривожлантириш доирасида Java дастурлаш тилида юқори малакали мутахассисни вақтинчалик асосда жалб этиш зарурати мавжуд.

Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Java дастурчи қуйидаги вазифаларни бажариши лозим: Академия таълим платформалари, маълумотлар базаси, ҳисобот тизимлари ва бошқа ахборот тизимларини ишлаб чиқиш ҳамда қўллаб-қувватлаш, Java (Spring Boot) асосида веб-дастурлар ва REST API сервисини ишлаб чиқиш, Маълумотлар базаси билан ишлаш (PostgreSQL, MySQL), Тизимларнинг хавфсизлиги, барқарор ишлаши ва самарадорлигини таъминлаш, Техник топшириқ ва талаблар асосида код ёзиш, ҳужжатлаштириш, юз бериш мумкин бўлган хатоларни бартараф этиш, Академияда ишлаб чиқилган дастурий таъминотни тестдан ўтказиш ва фойдаланувчиларни ўқитишда иштирок этиш.

Номзодга қўйиладиган талаблар: Java дастурлаш тили бўйича олий маълумот (ёки сертификатлар, курслар)

Java Core: OOP, Collection Framework, Exception Handling, Multithreading.

Spring Boot: REST API, Spring Security, Spring Data JPA, Validation.

Ma’lumotlar bazasi: PostgreSQL ёки MySQL (бўйича CRUD, JOIN, INDEX, optimize, stored procedures).

Front-end асослари: HTML, CSS, JavaScript (таълим тизими учун талаб этиладиган даражада).

Version control: Git, GitHub/GitLab.

Build tools: Maven ёки Gradle.

Testlash: JUnit, Postman билан REST API тестлаш.

Docker – асосий тушунчага эга бўлиши.

CI/CD жараёнларидан хабардорлиги (Jenkins, GitHub Actions – афзаллик).

Қўшимча шартлар: Иш муддати – 6 (олти) ой. Келгусида заруратга кўра, фуқаролик меҳнат шартномаси асосида ишга қабул қилиниши мумкин.

Бажарилган иш учун тўлов миқдори тарафлар келишуви асосида белгиланади.

Иш вақти – ҳафтасига 5 кун, кунига 8 соат (40 соатлик иш режим).

Иш жойи – Академия биносида жисмоний ҳозирликда ёки шартномада кўрсатилган ҳолда гибрид шаклда.

Талаблар: Ташаббускорлик, жамоа билан ҳамнафас ишлаш,  Мустақил фикр юритиш ва муаммоларни ҳал этиш қобилияти, Берилган вазифаларни ўз вақтида ва аниқ бажариш.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати: 2025 йил 21 июлга қадар.

тел: 71 202-04-96 (1761)