АҚШ олий таълим муассасалари тажрибаси ўрганилди

Академия вакилларининг халқаро ҳамкорлик доираси АҚШда танишув ташрифида бўлишлари давом этмоқда.

Мазкур ташриф доирасида Академия делегацияси АҚШдаги Жоржия Соҳилбўйи коллежи (College of Coastal Georgia) фаолияти билан яқиндан танишди.АҚШ олий таълим муассасалари тажрибаси ўрганилди

Делегация ушбу олий таълим муассасасидаги бакалавриатнинг Киберхавфсизлик дастури бўйича кадрларни тайёрлаш амалиёти ҳамда бунинг учун ташкил этилган махсус лаборатория билан танишишиб, ўз навбатида АҚШлик ҳамкорларга Академиянинг Рақамли криминалистика институти фаолияти ва унинг имкониятлари ҳақида тақдимот қилишди.

Шунингдек, ушбу олий таълим муассасасининг инфратузилмаси, жумладан, талабалар учун яратилган шарт-шароитлар, аудиториялар, кутубхона, ошхона, ётоқхона ва рекреация ҳудудларини ташкил этиш ҳамда уларни жиҳозлашга ёндашувлар, таълим дастурларини аккредитациялаш амалиёти ўрганилди.

Ташриф якунида ҳар икки таълим муассасалари кибержиноятчилик қарши курашиш ҳамда рақамли криминалистика соҳасида кадрларни тайёрлашда яқиндан ҳамкорлик қилишни келишиб олишди.