Маҳаллаларда криминоген вазиятни яхшилашга қаратилган ишлар тизимли давом этмоқда

Ўзбекистон Республикаси Ҳуқуқни муҳофаза қилиш академияси томонидан Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ–1-сон қарорида белгиланган вазифаларни амалга ошириш юзасидан изчил чора-тадбирлар амалга оширилмоқда.

Академиянинг ушбу йўналишдаги фаолияти илмий ёндашув ва идоралараро ҳамкорликка асосланган ҳолда ташкил этилмоқда.

Шу доирада Тошкент шаҳри Бектемир туманидаги маҳаллаларда жиноятчилик ҳолатини ўрганиш бўйича комплекс тадқиқотлар олиб борилмоқда. Бу жараёнда илмий таҳлил усуллари ва жойлардаги ўрганишлар асосида ҳуқуқбузарликлар ҳолатига холис баҳо берилиб, фуқароларнинг ўзини ўзи бошқариш органлари, жумладан, маҳалла фуқаролар йиғинлари раислари, ёшлар етакчилари ва хотин-қизлар фаоллари жамоат хавфсизлигини таъминлаш жараёнларига фаол жалб этилмоқда.

Амалга оширилаётган таҳлиллар ва жойлардаги кузатувлар натижасида Академия мутахассислари томонидан ҳуқуқбузарликларнинг олдини олиш бўйича манзилли ва асосли таклиф ҳамда тавсиялар ишлаб чиқилмоқда. Бундай тизимли ёндашув маҳаллаларда хавфсиз муҳит яратишга, профилактик тадбирларнинг самарадорлигини оширишга ва аҳолининг фаол иштирокига асосланган барқарор моделни шакллантиришга хизмат қилади.