Халқаро ҳамкорлик доирасида навбатдаги учрашув

2025 йил 18 июль куни Ўзбекистон Республикаси Ҳуқуқни муҳофаза қилиш академиясида халқаро ҳамкорликни ривожлантириш доирасида Ллойд ҳуқуқ мактаби (Ҳиндистон) президенти Махар Тайрани ҳамда Пенн давлат университети Дикинсон ҳуқуқ мактаби (АҚШ) магистратура ва халқаро дастурлар бўйича декан ёрдамчиси Стефан Барнес билан учрашув бўлиб ўтди.

Учрашув давомида меҳмонларга Академиянинг асосий фаолият йўналишлари, кадрлар тайёрлаш тизими, ўқув-илмий жараён ҳамда замонавий ўқув-амалий усуллари тўғрисида қисқача маълумот берилди.

Тадбир доирасида Ллойд ҳуқуқ мактаби вакиллари томонидан ҳуқуқшунослик йўналишида таҳсил олаётган талабаларнинг амалий кўникмаларини шакллантиришга хизмат қилувчи, сунъий интеллект технологиялари асосида ишлаб чиқилган Ednectar дастурий таъминотининг имкониятлари тақдим этилди.

Учрашув якунида мазкур дастурни янада такомиллаштириш, шунингдек унинг миллий ҳуқуқ тизимига мослаштирилган андозасини ишлаб чиқиш бўйича ҳамкорлик йўналишлари муҳокама қилинди.