МДҲга аъзо давлатлар Бош прокурорлари мувофиқлаштирувчи кенгаши ижрочи котибининг ташрифи

2025 йил 6 август куни МДҲга аъзо давлатлар Бош прокурорлари мувофиқлаштирувчи кенгаши ижрочи котиби Ю.Жданов бошчилигидаги делегациянинг Академияга ташрифи амалга оширилди.

Ташриф давомида делегация Aкадемиянинг фаолият йўналишлари, прокуратура ва тергов органлари ходимларини тайёрлаш, қайта тайёрлаш ва малакасини оширишни ташкил этиш тизими билан таништирилди.

Шунингдек, делегация вакиллари Академияда амалий кўникмаларни ўзлаштиришга қаратилган замонавий таълим инфратузилмаси, таълим жараёнида қўлланилаётган замонавий технологиялар ва ёндашувлар билан танишдилар. Меҳмонлар Академия юридик клиникаси, криминалистик полигонлар, рақамли криминалистика лабораторияси, суд имитацияси хонаси ва бошқа амалий ва симуляцион машғулотлар ўтказишга мўлжалланган махсус хоналар, шунингдек, ахборот-ресурс марказини кўздан кечирдилар.

Учрашув конструктив руҳда ўтди. Академиянинг таълим ва амалиётнинг ўзаро уйғунлигига асосланган ўқув фаолияти меҳмонларда катта қизиқиш уйғотди.

Учрашувда ҳамкорликнинг истиқболли йўналишлари муҳокама қилиниб, томонлар прокуратура органлари кадрлари салоҳиятини мустаҳкамлаш масалалари юзасидан ўзаро фикр алмашдилар.