“Кибержиноятчиликка қарши кураш масалалари” мавзусида сайёр ўқув-амалий машғулоти ўтказилди

Бош прокуратуранинг Кибержиноятчиликка қарши курашишда қонунийликни таъминлаш бўлими ҳамда Ҳуқуқни муҳофаза қилиш академияси Рақамли криминалистика илмий-тадқиқот институти ходимлари томонидан Андижон вилоятида туман прокурорлари, уларнинг ўринбосарлари, туман ИИБ бошлиқлари ва ходимлари учун “Кибержиноятчиликка қарши кураш масалалари” мавзусида ўқув амалий семинар ташкил этилди.

Тадбир давомида иштирокчиларга кибержиноятларни фош этиш ҳамда тергов қилишдаги тизимли камчиликлар ҳақида баён қилиниб, ушбу камчиликларга келгусида йўл қўймаслик ҳақида тавсиялар берилди.

Шунингдек, семинар давомида рақамли далилларни тўплаш ва таҳлил қилиш ҳамда мазкур соҳада назоратни кучайтиришга оид долзарб масалалар муҳокама қилинди.

Ҳуқуқни муҳофаза қилиш академияси томонидан жойлардаги тергов органлари учун ўтказиладиган амалий машғулотлар келгусида ҳам изчил равишда давом эттирилади.