Ҳуқуқни муҳофаза қилиш академиясида биринчи курс талабалари учун ўқув-танишув ҳафталиги ўтказилди

Ҳуқуқни муҳофаза қилиш академиясида 2025/2026 ўқув йилида "Тергов фаолияти" йўналиши бўйича бакалавриатга қабул қилинган талабалар учун ўқув-танишув ҳафталиги ташкил этилди.

Тадбирда талабалар ва уларнинг ота-оналари Академияда яратилган таълим шароитлари, ўқув жараёни ҳамда инфратузилма билан танишиш имкониятига эга бўлдилар. Шунингдек, дуал таълим тизими, амалий машғулотларни ташкил этиш, ўқув-амалий лабораториялар ва замонавий таълим ресурсларидан фойдаланиш имкониятлари ҳақида маълумот берилди.