Huquqni muhofaza qilish akademiyasida birinchi kurs talabalari uchun o‘quv-tanishuv haftaligi o‘tkazildi

Huquqni muhofaza qilish akademiyasida 2025/2026 o‘quv yilida «Tergov faoliyati» yo‘nalishi bo‘yicha bakalavriatga qabul qilingan talabalar uchun o‘quv-tanishuv haftaligi tashkil etildi.

Tadbirda talabalar va ularning ota-onalari Akademiyada yaratilgan ta’lim sharoitlari, o‘quv jarayoni hamda infratuzilma bilan tanishish imkoniyatiga ega bo‘ldilar. Shuningdek, dual ta’lim tizimi, amaliy mashg‘ulotlarni tashkil etish, o‘quv-amaliy laboratoriyalar va zamonaviy ta’lim resurslaridan foydalanish imkoniyatlari haqida ma’lumot berildi.