Тьютор мутахассис вазифасига танлов эълон қилинади

Ҳуқуқни муҳофаза қилиш академияси Ёшлар билан ишлаш, маънавият ва маърифат бўлимига тьютор-мутахассис вазифасига танлов эълон қилинади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Бош прокуратура Академияси негизида ташкил этилган.

Ҳозирги вақтда Академия фаолиятига вақтинчалик асосда Ёшлар билан ишлаш, маънавият ва маърифат бўлими тьютор-мутахассисси жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома имзоланади. Муқаддам Ҳуқуқни муҳофаза қилиш Академиясида ишлаган тьюторларга шартнома тузишда устунлик берилиши мумкин.

Тьютор-мутахассис қуйидаги вазифаларни бажаради:

Таълим олувчиларнинг маънавий, ахлоқий ва касбий тарбияси билан мунтазам шуғулланиш.

Ўз маҳорати, касбий тайёргарлиги, назарий билим ва иш тажрибасини доимий равишда ошириб бориш.

Таълим олувчиларнинг шаъни ва қадр-қимматини, обрўсини ҳурмат қилиш.

Тюторлик гуруҳларидаги таълим олувчиларнинг маълумотлар базасини яратиш ва Бакалавриат факультетига тақдим этиш.

Таълим олувчилар ҳақидаги шахсий маълумотларни уларнинг розилигисиз ошкор қилмаслик, учинчи тарафга бермаслик.

Таълим олувчиларнинг ўқув, маънавий ва илмий фаолиятини мувофиқлаштириш ва мониторинг қилиб бориш.

Таълим олувчиларнинг ўзлаштириши ва дарсларда иштирок этиши ва саф майдонида сафланишларини мунтазам назорат қилиб бориш ҳамда таҳлил этиш.

Ётоқхонада, ижара, яқин қариндоши ва ўз уйида яшовчи таълим олувчиларнинг яшаш манзилларига мунтазам (ҳар икки ойда камида бир маротаба) бориб, у ердаги шароитларни ўрганиб бориш ва уларни яхшилаш чораларини кўриш.

Ўзига бириктирилган гуруҳлардаги таълим олувчилар (гуруҳларда ва якка тартибда, гуруҳларда ҳар ҳафтада камида бир марта) билан режа-жадвал асосида маънавий-маърифий ва ижтимоий-сиёсий йўналишларда (ҳар бир таълим олувчи билан ойига камида икки маротаба) суҳбатлар ўтказиб бориш, таълим олувчиларнинг ота-оналари билан мунтазам равишда мулоқотлар ташкил этиш.

Гуруҳларда дарс жадвали асосида ҳар ҳафтада бир марта “Ахборот ва мураббийлик соати”, “Софт скиллс” тренинглари ўтилишини ташкил этиш ҳамда унинг самарадорлигини таъминлаш.

Тьюторлик гуруҳларидаги таълим олувчиларнинг индивидуал йиғма жилдини (портфолиоси) шакллантириш ва юритиш, “Тьюторлик соатлари” дарси ва иш режасидаги тадбирларни қайд қилиш журналини юритиб бориш.

Таълим олувчиларнинг одоби, хулқи, Ички тартиб қоидаларга риоя этиши юзасидан ота-оналар билан мунтазам учрашиб тегишли маълумотларни етказиш.

Таълим олувчилар ва уларнинг ота-оналарини ёки бошқа қонуний вакилларини Ички тартиб қоидалари, Академия Ётоқхонаси ички тартиб қоидалари ва таълим фаолиятини тартибга солувчи бошқа норматив ҳужжатлар билан таништириш.

Таълим олувчилар билан боғлиқ фавқулодда муаммоли вазиятлар юзасидан зудлик билан Академия раҳбариятига ахборот бериш.

Таълим олувчилар ўртасида ҳуқуқбузарлик ва жиноятчиликнинг ҳамда диний экстремизмнинг олдини олиш бўйича соҳа мутахассислари иштирокида мунтазам тушунтириш ишларини олиб бориш.

Алкоголь, тамаки ва психотроп воситалар истеъмол қилишнинг зарарли оқибатлари хусусида доимий профилактик ишларни ташкил этиш.

Моддий ёрдамга муҳтож таълим олувчиларни аниқлаш, уларни ижтимоий жиҳатдан қўллаб-қувватлаш бўйича Раҳбариятга таклиф киритиш.

Таълим олувчиларнинг Ички тартиб қоидалари ва бошқа ички (локал) ҳужжатларда белгиланган талабларга мос равишда бўлишларини назорат қилиш ва ушбу ҳужжатларни бузган таълим олувчиларга тегишли чоралар кўриш юзасидан Ёшлар билан ишлаш, маънавият ва маърифат бўлимига билдирги киритиш.

Ўзи масъул этиб белгиланган таълим олувчилар клуби ва тўгараклар ишини ташкил этиш, уларга таълим олувчилар аъзолигини максимал даражада таъминлаш ва таълим олувчиларнинг ушбу тўгараклар фаолиятидаги иштироки мониторингини юритиш.

Тьютор ўз фаолиятида амалдаги қонун ҳужжатлари, Академия локал ҳужжатлари ҳамда ушбу шартномага мувофиқ бошқа мажбуриятларни ҳам бажаради.

Номзодга қўйиладиган талаблар:

Тьюторлар олий маълумотга эга бўлиши (илмий даража ва илмий унвонга эга шахсларга афзалликлар берилади).

25 ёшдан кичик, 55 ёшдан катта бўлмаслиги.

педагогик ва психологик, ўқув-тарбиявий, ўқув-услубий, таълим тизимида бошқарув фаолияти билан шуғулланган, ёшлар масалалари ва маънавий-маърифий йўналишда 2 йилдан кам бўлмаган меҳнат стажига эга бўлиши.

қонунчилик ҳужжатларига мувофиқ таълим бериш ҳуқуқидан маҳрум этилмаган бўлиши.

масъулият ҳисси, мустақил иш тутиш хусусиятларига эга бўлиши зарур.

Тьюторликка ишга қабул қилиш Академия ички локал ҳужжатларида белгиланган тартибда амалга оширилади ва Академия раҳбари буйруғи билан амалга оширилади.

Бажариладиган иш муддати:

Мазкур иш муддати 10 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 2025 йил 10 сентябрга қадар.

Манзил: Тошкент ш. Юнусобод тумани Рихсили 9.

Тел.: 71 202 04 96 (1972)